පොත් බෑගයේ ලොක්කා සැම අතින් මමයි
ඇදුමත් ලස්සනයි ඇතුළත් හරිම හැඩයි
පොඩිවුන් නොවැරදිම මා පාසල් ගෙන යයි
සතියෙන් දෙකෙන් මගෙ පිටු සේරම ඉවරයි
මල්වතු ගෙවතු මගෙ ඇගෙ සිත්තම් වෙනවා
පොත් පිටු පෙරළෙද්දී හරි සුවදක් එනවා
පාට පාට රූපෙන් මා හැඩ වෙනවා
ගුරුතුමියත් එයට ලොකු හයියක් දෙනවා
පුංචි පුතා පෙරළයි පිටු එකින් එක
ආසයි මාත් පෙන්නන්නට ඔහුගේ වැඩ
නංගිත් අයියාගෙ වැඩ දැක පනියි උඩ
පිටු ටික ඉවර වෙනකොට මට තමයි දුක
පුංචි පැන්සලෙන් ඇන්දම වැරදෙන්නේ
මකන යාළු වැරදුන තැන් නිතර හදන්නේ
කොච්චර මකල දැම්මත් නෑ ඉරි යන්නේ
පැන්සල් කොටා මගෙ ඇගමයි සූරන්නේ
Subscribe to:
Post Comments (Atom)
No comments:
Post a Comment