තිරිසන් සතුන්ගේ මස් ඇයි අප කන්නේ
මනසින් උසස් මිනිසත් බව ලැබ ඉන්නේ
සතුටින් මස් කමින් පවු ඔබ පුරවන්නේ
මෙලෙසින් රකුසු වෙස් මිනිසුනි ඇයි ගන්නේ
කිරි අම්මා ලෙසට අපහට මෙහෙකාර
කරත්තේ ඇදීමට පුතෙකුත් කරබාර
එළවළු කොරටුවට පොහොරත් දීසාර
අවසානයට මස්කඩ හිමියට බාර
තුවාල වුනොත් තරමක් අපෙ සම් රෙද්ද
විශාල රිදුම් දැවිලිද ඇති වෙන්නැද්ද
අකාලයේම සතුනට හිංසාවෙන්ද
මරලා කන්නේ ඇයි ඔබලා මිනිසුන්ද
හැමතැන වැව් පොකුණු සැම සිදිලා යනවා
තැන තැන සතුන් දිය සොයමින් ඇවිදිනවා
බදුනක වතුර දැක නිවෙසට ළංවෙනවා
තිබහට වතුර නැත මරුවට කැපවෙනවා
Subscribe to:
Post Comments (Atom)
No comments:
Post a Comment