උඩට උඩු වියන් බැදන්
සුදු මල් පෙති පලස් සදා
කොයි කවුරුත් බලා හිදිත්
නිල්වන් ගිරි හිස මුදුනින්
රිදී වර්ණ රැස් විහිදා
නැගෙමින් එන හිරු දකිමින්
නෙලුම් මලේ පෙති විහිදේ
පිණි බිදු තණ මත වැටිලා
හිරු රැස් දැක සිනහ සලයි
සේපාලිකා මල් දෙක තුන
ගිලිහී නිල් තණ මත වැටෙයි
දං ඕවිට පදුරු මතින්
දෙමලිත්තෝ රෑන් හඩ තලති
ගංගා ඇළ දොළ අතරේ
දණ්ඩි පැටව් වරල් ගසති
උදළු පොඩිය කර තියාන
ගොවියෝ කුඹුරට ඇදෙත්
සුදු කොක් රැළ මෙන් දරුවෝ
ගුරු ගෙදරට පා නගත්
No comments:
Post a Comment